【风丽】两杯茶 01
一个港风尝试。
笔者并非港澳人士，欢迎捉虫~
（如果出现阅读障碍请直接跳到文末）
含削微的风镜和台丽，不打tag了
——————分割线——————
夜。
于曼丽一人行在街头。周围人个个面上无乜表情，同佢擦身而过，甚至乎都冇望佢一眼。
呢个时间，尽是啱啱收工或者即将去打第二份工嘅打工仔。
香港嘅生活节奏咁快，好似人人都着紧时间揾工做嘢养番自己先系正经条路，无乜人似于曼丽咁无聊系街道上行来行去，好似只孤魂野鬼。
谂下，到咗香港咁耐，自己好似重新生咗一次，但孤儿仔一个，无乜亲朋好友，又唯恐自己行差踏错，竟按兵不动已经成个月，冇揾工，亦都冇识得乜朋友。
真系一个BB仔咁……自己都先嘲笑起自己嚟噶。
又谂，头先廿年简直就系噩梦一样，依家死里求生逃嚟香港，咁难做嘅嘢都比自己完成，搏命嚟噶嘛，肯定得啦。
于是又行得快点，坐最后一班天星小轮返屋企。虽然只系唐楼，但终归有得一屋立足，已经好好运啦。
“唔该……”
转过一个街口，比人无端端阻住，于曼丽嚇咗一跳。
“唔洗惊，我唔系坏人嚟噶。我系想问下你有冇散纸同埋银仔可以借比我？”
先至看清个人，按住个肚面色好差，似是病咗。
“我肚痛……我识得食乜药嚟噶，只需要你借一小小银仔比我，我自己去买。听日还你。”倒是都几有礼貌。
“你住嗰度？需唔需帮手搵你屋企人嚟？”
“千其冇！”一只手突然捉住佢，好大力。第二次比嚇一跳，于曼丽翻白眼。等佢抬头先发现其实个人好后生，似是系读紧书，咪中五即系中六。仲有点靓，又偷偷谂。
“你笑乜啊？”
“吓？我头先笑咩？”于曼丽醒神，同佢吹水话，“我笑你同屋企人嬲，睇你个样都知你家境几好，依家落得周身无蚊，竟然企系街边拦住陌生人借钱。”
“乜啊……讲来真系成布咁长，你唔会明噶。”
装胸作势！“不如咁啦，我陪你去买药，我知边度可以睇医生，只不过你呢种公子哥惯咗去大医院，唔知肯唔肯比面。”
“你睇低我？”个位公子哥好脾气未嬲，仲伸过一只手搭系佢膊头，“比我撑一下。”
黐人精……
“喂，我叫明台，你叫乜名啊？”
“……于曼丽。”
“哇！于小姐果然系人如其名，生得咁靓仔，心地仲好，有冇男朋友，需唔需介绍比你识啊？”
“做乜，你搭我糖？”于曼丽望住佢，黐人精咁浮夸？
“你冇就介绍个比你噶嘛。”
我哋好似啱啱先第一次碰面哦？于曼丽心入面白眼已经翻上天，“到啦。”
公子哥亦都冇乜公子脾气，坐低比医生睇病，跟著又攞药，一路都冇停过同于曼丽倾计。
吵喧巴闭。亦都唔知今晚第几次闹佢。
佢话佢屋企老豆老母过世早，屋企只得家姐同埋两个哥哥，佢系屋企最细个。佢依家啱啱毕咗业，家姐谂住移民去英国，成家人只留低佢一个系香港继续读大学，完成功课之后先去得。佢唔中意，今晚同家姐嗌交，自己赌气由屋企出嚟，未食晚饭先得肚痛犯咗胃病。
原来果然系中六，个样仲后生些。
“比你见笑嗻。”讲完又彬彬有礼同佢道歉，于曼丽都唔知依家仲系哭得同埋笑得。
到底系家事嚟噶，咁放心同外人讲咩？还系公子哥养尊处优，由细到大都未尝过乜苦头，依家睇人个个都系好人，陪住佢睇一次医生就咁亲，家事全部讲嗮出嚟，好似仲要同佢走。
“你依家点算？”明台攞嗮药出来，转头问佢。
“咪走咯。我住九龙城寨，好近噶。”
呢次调转嚟换明台嚇咗一跳，“你住九龙城寨入面？”
“好危险哦，你一个女仔点会住个度？”
摆下手，唔讲咁多。于曼丽本来唔惯同人哋讲嘢，依家已经觉得明台多话，如果自己再讲，咪同佢一样？
明台已经又自己讲开，“睇你个样都唔似黑社会噶……不如咁，我之前系我学校附近租咗一间房，你住个度入去，听日你几时上工，我车你？”
真系痴咁线？我哋今晚明明第一次见面……
突然又谂到，难道佢系勾女？
面上仲要客气，“唔洗啦，我住唐楼嚟噶，同一班姊妹一齐住，好安全噶，多谢你费心。呢度真系好近，我行过去咪得了，不过你比较重要，你住边啊，需唔需搭的士？”
好彩明台亦未再坚持，“咁你自己小心点，我自己返屋企得噶啦。多谢你今晚陪我，得闲请饮茶啦。”
就此别过。
“sorry，中环塞车，迟咗。”
“唔紧要。”
“咖啡唔该，”明镜落座，开门见山同对面人话，“王生，今次特登约你出嚟，是有两件事相求。”
王天风面上始终挂住笑容，亦都极有风度，“唔使客气，你亦都唔使有乜压力，我哋做唔成夫妻亦都系朋友嚟噶，你尽管开口。”
“第一件事，我个细佬，明台，暑假之后会入到港大读书，虽然佢已经系大学生，但系仍然似个细路仔咁，为人处事都尚未成熟，依家我哋成家准备去英国，香港亦无亲朋，麻烦你帮我睇住佢，无搞事惹祸先得。”
王天风笑，“果然系明家嘅大家姐……明台可以话我睇住长大嘅，佢细个时就几醒目，依家已经大个仔，你洗唔洗啊？”
望住明镜掘住佢，又改口表明态度，“好啦好啦，我应承你，帮你睇住佢唔搞事。”
明镜似是松咗口气，“好。至于第二件事……呢次去英国，其一系为咗生意，其二亦系为咗日后明家移民。依家有两间铺头系我哋结婚之后买嘅，我谂改至我名下，需要你一齐到场办手续。你放心，我今日只系讲给你知，之后我会揾律师写好文件，唔会比你蚀底。”
“是旦啦，我信你，你几时需要，通知我就得。”
“呢一个月。具体几时仲未定，之后联络你。”
讲完后攞起咖啡杯，一口喝尽，“下午公司仲有一个会等紧要开，我走先。失陪。”
王天风失笑，其实明镜唔需系佢面前咁……紧张？虽然佢哋已经离婚，既然话做得朋友自己就一定会似朋友咁对佢，甚至乎如果有一日明镜再次结婚，邀请佢亦都冇乜问题，只可惜出生于书香门第的明大小姐唔会理解。
陪佢出咗咖啡馆搭的士，明镜突然又同佢讲出一句。
“谢谢侬。”讲出口原来系上海话。
“仲以为你已经唔识讲家乡话。”王天风好比面讲笑，明镜果然轻松一些。
“识噶，不过好耐冇讲啦。”
有空的士停住面前，王天风送佢上车，转头比人撞到，两个人都后退三步。
“对唔住、对唔住……”个女仔低头道歉。
tbc
——————分割线——————
写在后面：
这个故事起源于我一个很高级的梦，不过梦到一半我被吵醒了，所以我也不确定会不会往下写。如果有人看我就坚持一下写完它。
其实我不太确定大多数人能不能看懂，对我来说用这种语言系统写文也是一个尝试，所以我很需要反馈，所以请给我评论，给我评论，给我评论。
关于文的讨论、关于语法的问题、关于能不能看懂，关于任何，都请放心大胆的评论，如果太多人看不懂我也许会搞个翻译版（其实翻译出来很多意思会变，搞不好我还会重写一次，所以目前我没有翻译的想法，不过取决于各位）
讨论可以，骂我不行。如果真的没人看那我就坑掉。
感谢~
评论(8)