【风丽】两杯茶 02
一个港风尝试。
欢迎捉虫~
——————分割线——————
估唔到一出嚟就撞到人。
琴晚同明台讲再见之后，今朝于曼丽一出门又见到佢。
“今日得唔得闲啊，请你饮茶啦。”
于曼丽绕过佢咪走，又阻住佢，“你当我琴晚讲笑嗻？”
躲唔过去，“我今日唔得闲。”
“咁你几时得闲？”
……真系黐人精嚟噶。
望住佢对眼又唔嬲得出，“我都唔知，我依家搵紧工。做嘢食饭养番自己先。”
未谂到明台听讲，不由分说车埋佢系中环个度，一间一间陪佢一齐搵，逛哂成个上午落嚟终于觉得攰，入咗一间茶餐厅食糖水。
于曼丽只觉得尴尬，讲又讲唔出口，嬲又嬲唔得，只要明台系佢面前，个钟尴尬就冇乜地方可以躲。
算啦，只当今日陪佢饮茶，还咗佢呢一份人情，过几日自己再独自出黎搵先算。
明台唔知佢嘅处境，仲要问佢，“你到底中意做乜，我哋已经逛遍成个中环，你仲未搵到一份满意嘅嘢做？”
个对眼又好真诚，于曼丽知道佢系真心实意谂帮自己。但系越系因为咁，个原因越系将唔出口。
唯有沉默对佢。
明台亦都沉默，再开口把声低咗好多，“你唔讲出口，我帮你唔到。”
于曼丽知自己嘅态度系明台睇嚟未免太过消极，但系，算啦，冇乜但系。
“sorry，我走啦。”将个杯中奶茶饮尽，起身离开。保留自己最后一份自尊心，失态逃走亦都系冇办法中嘅办法。
明台未谂到佢会走，起身阻住佢，于曼丽见佢上来咪向外跑，跟著咪无喇喇撞到王天风。
王天风本来未觉得大件事，个女仔生得靓，又咁后生，比人撞到都可以当抽水，亦都系佢赚到。
但抬眼望住追个女仔出黎嘅明台，还是小小惊到。
明台亦都系。“姐……王生，点解你会系度？”
“啱啱同你家姐系个边讲嘢。我都仲未问你，点解你会系呢度，点解又会追住个位女仔出黎？”
“佢系我朋友嚟噶，我哋头先讲笑嗻。我朋友依家搵紧工，我陪佢一齐啦。”
依家先正式介绍咗两人。“呢位系于曼丽。呢一位系我老师，亦都系我家姐嘅前夫，王天风。”
“王生。”同佢点头，又对住明台，“咁……唔好意思，失陪，我走先啦。”
“你唔系哇……”明台谂追，被王天风阻住。
“你做乜啊？人哋女仔都话走啦，啱啱毕咗业就谂勾女？”
望见明台面色，又抢系佢开口之前先话，“我啱啱应承咗你家姐帮佢睇住你，你最好冇不服气。”
重新入咗茶餐厅，又重新点埋杯奶茶。
“讲啦，头先个女仔，点识得嘅？我识咗你咁耐，都未见过你话过你有边位朋友咁靓女。”
“吓？你讲乜啊……”
又细把声闹佢，“咸湿佬，好彩家姐同你已经离咗婚。”
王天风掘住佢，“讲正经嘢。”
明台亦将琴晚发生嘅嘢讲咗一次。
“咁你系话，个女仔住九龙城寨个度？一个人？”
“佢话佢同一班姊妹一齐，但我觉得佢只系呃我嚟噶。”
“一个人住唐楼，又唔似社团黑社会，只有一个可能，佢冇钱，亦都冇乜亲人。仲有可能，佢唔系香港人。”
明台愣住，“咁佢……”
“你谂乜嘢啊，我系话，可能佢系同你我一样，大陆嚟噶。”
“即系话，你系中环帮佢搵工，即便去interview，佢都冇可能收到offer。你都不如陪佢系呢间茶餐厅问下洗唔洗waitress。”
“不过依家都冇用啦，你已经伤害咗人哋嘅自尊。”
明台拍案而起，“但系佢冇同我讲过，一句都冇！”
“咪废话？你哋啱啱识咗仲未超过一日，如果系你，你会唔会话比陌生人知？”
明台于是跌返个座。
“不过，”王天风眯住眼，“与其关心头先个靓女系唔系香港人，我更想知道点解你会咁关心佢？”
“佢靓咯，靓大哂噶咩。”明台扮毫不上心个样。
“讲真话。你唔讲出嚟，我帮你唔到。”
头先呢句说话明明系自己讲比于曼丽，依家比王天风全数还翻比自己。真系风水轮流转。
“都话系佢靓咯。”无喇喇心入面唔舒服，唔肯讲真话。
好彩王天风未逼佢。
“既然你咁谂帮佢……不如咁啦，你帮佢读书先啦，佢依家个情况可能搵唔到任何工。如果佢愿意，我可以帮你手。”
于曼丽未谂到又碰见明台。
已经系晚上。
“终于返屋企？我哋倾下。”
个次换于曼丽点头，“好哇。”
于曼丽真系同人一齐住，客厅冇人，另外间房系闭着门，于曼丽拉住佢直接入咗自己间屋。实在太小，明台手足无措，坐咗唯一条凳，于曼丽比佢一杯茶，自己坐系床边。头先于曼丽话去间茶餐厅，明台坚持要去佢屋企，依家到咗，又觉得自己有啲过分。
“冇乜紧要，你放松啦，就当系自己屋企。”
“外面间屋个个系你姊妹？”
“亦都算是啦。”
“其实我嚟系谂同你讲声对唔住。”
于曼丽望向佢，明台亦冇再讲嘢，等于曼丽反应过嚟。
过咗几耐，于曼丽面上流下两行眼泪。
明台先至开口。
“我都知了……”
“我系真心想帮你，但系估唔到你系呢种情况。”
“或者我应该谂紧嘅。”
于曼丽摇头，“你唔会明嘅……”
又起身将佢向外推，“多谢你特登嚟搵我，唔紧要，我哋依然系朋友嚟噶。不过依家，请你走啦。”
tbc
——————分割线——————
写在后面：
还是请大家给我评论，给我反馈，任何内容都行。比心~
其实是一个不算复杂的故事，考虑到换了一个语言系统，所以把故事的结构简化了很多，这样我写着相对轻松，各位看着也不会很累。反正先是一个尝试，如果成功那我们下一篇再见
ps. 很可能没有下一篇，所以不是画饼（手动狗头）
评论(9)